Блискавицї

Падут з неба блискавицї,
Ги бы зерном пōсївав.
Йде Илля на кōлісници,
Зимлю ними замитав.

Долиш блисне, а пак лусне,
Ги бы впогадив канон.
На секунду тьма пропадат,
Раз ид нам ни прийде сон.

Дождж шумит, ги в чардашови,
Нōвта тучі голосна.
Загримит - стрясли ся стїны,
Туйкы точно ни до сна.

Сяка буря з блискавками,
У ночи до нас прийшла.
Фрішнōту нам пōдарує,
Бо штōсь помного тепла.