Бовташі

Стара чилядь йщи тямит,
Як вто давно было.
За євреїв, што туй жили,
В нас ся ни забыло.

По русинськых селах была,
Май бӯльша меншина.
Мали бузню тай бōвты,
Хайдлеры й раввина.

Єднї были простякы,
В пōлю ся трудили,
Но а другі бізнесмены,
Мало ліпше жили.

Жили в центрі, у селі,
Тай бōвты там мали.
И прōдукты, й інструменты
Людям продавали.

Мали й кōрмчу при бōвтах,
Палинку там лляли,
И без гроши, пӯд проценты,
Навіру давали.

Продавали фурт худōбу
Й земли мали много.
Пӯдузятникы выд Бога,
Мали грōші з того.

Но тото ся всьо минуло,
Ги роса пропали,
Айбо в памняти в руснакӯв,
Навхтема ся впстали.