Буде скоро Миколай

Буде скоро Миколай,
Най нам нич ни носит.
До лиш, Чудотвōрцю, дай,
Вто що чилядь просит.

Мир най буде на землі,
Тко без нього годен?
Най всї будут у теплї
Тай нитко голоден.

Вбы ся кӯнчила вōйна,
Всї ся повертали.
Ночи материй без сна
Най бы ся кӯнчали.

Най ся вернут у наш край
Всї живі й здōрōві.
Поможи тым, Миколай,
Тко в бідї тай хворі.

Най принесе и подарок,
Всьым, тко заслужили.
Неба чистого, без хмарок,
В мирі бы сьме жили.