Бисіда за бисіду

Наша бисіда гий чудо из чудес,
Мы ї любиме й пликайиме по свому,
Бог нам дав ї з высоты небес,
Так ги каждьому народови зимному.

Вд куй ня мамка родила на світ,
Й ласку ми давала материнську,
Тямку маю ще з дітвацькых літ,
За язык - за бисіду русинську.

В бисіді заложена душа,
Пудкарпатського прадавнього нам рода,
Й урагы пилуются спіша,
Изгырити ї уд нашого народа.

Айбо мы валовшні на дива,
Божа сила русина вознесла,
Радый им што бисіда жыва,
Хуть ни раз вмирала - но воскресла!