Хліб наш насущный даш нам днесь

Свіжий Хліб. Мала хлібина.
Наш Hасущный, добрый хлібик!
Курку грызла, ги дітина,
А мнякушку - сивый дідик.

В когось чорный, в когось - білый,
В когось свіжий, файн смакує,
Добрe пахне, хоть и сірый...
Ткось из хліба ся збыткує.

Нас учили честовати
Ще й крихотятка з хлібины,
Три раз го поцулювати,
Кедь упав - зняти смітины.

Хліб нелегкый датко має,
Чилядь все ціну му знала.
З хліба моца ся рождає,
А буханочка спасала...

Бідность днеська - се проблема...
Людські душі многі - камінь...
Отче, всокоти навхтема
Хліб Насущный Наш нам! Амінь!