Друтарі

Кажут, в Лавках друтарі.
Што тото за люде?
Нагадати треба нам,
Най ся ни забуде.

Вто професія забыта:
В нас люде ходили,
Та из дроти, што бы треба,
Чиляди робили.

Были йсе Словакы з Спыша,
До нас вандровали.
Пōсуду красно Русинам
Дрӯтьов убплітали.

Так ōна ся ни казила,
Й дōвго ся держала,
Наша чилядь выд роботы
Долиш хосен мала.

З дроти всякі кошары,
Й иншого усього.
Друтарӯв по нашых селах
Было, давно, много.