Я люблю музику тōту

Я люблю музику тōту,
Що не типирь у мōдї стала,
А коли чилядь йшла думӯв,
Сїдала дома, та гусляла.

Тōту, що чути на вінках,
И по сятах фурт, по гостинах.
Весела нōвта, красный спӯв,
Гуляли по селу й родинах.

На вичӯрках тай на свальбах,
Фурт, коли чилядь ся збирала.
На днешный час хōть не парує,
Но дав бы Бог, убы ся впстала.

Най наша нōвта тай піснї,
По вшиткых селах краю будут!
Руснацькі давнї співанкы -
Людьми ся ниґда не забудут!

Най чути гуслї тай слова,
Що йщи нам прадїды спӯвали.
И дав бы Бог, убы й на дале,
Мы рӯдноє не забывали.