Ярь

Ярь иде така, ги треба,
Сонце, світло - благодать.
Тепло вылляло ся з неба.
Козинкы стōят, ги знать.

Айбо ярь ни первоцвіты,
Й сонце ясне на двōрі,
Выд роботы треба пріти,
Прōбудиш ся, та гōрі.

Хōть и сплячка ни проходит,
Хапле нас, убнимат лінь.
Каждый схопит ся, та робит,
До лиш пак доганят тїнь.

Скоро всьо зазелинїє,
Глина в пōлю буде вон,
Каждый динь ся дащо дїє,
Бо роботы туй ваґон.

Пӯдчищати й ярьовати,
Наготовити си дрōв.
Вже нїколи выддахати,
Рано встав тай будь здōрōв.