Муй край

Карпаты мої, рудный краю
Де замкы є й монастырі.
І воздух тот що туй вдыхаю-
Глыбоко держится в мині.

Де хащі є не проходимі
Де долы тягнутся за гай,
Де рікы быстрі, тай студині.
Чим май дулу глыбокі май.

Муй край, мині-го не забыти
Де быся я не находив,
І як-бы я не быв далеко...
Усе ня ун сюды манив.

Манив ня д собі як дітину
Котра далеко вд старшины,
І я вбертався блудным сыном
У рудні свої Карпаткы.

Коли-м далеко, бывим все бетежный
Коли я туй - здоровыйим як бык.
І де бы-я не находився
Вбертавимся сюды як штык.

Но де вкажіт ми люди добрі
Сяку мож в видіти красу,
По всьому світу я батрачив
Но не встрічав нігде таку.