Ни забуду

Горы мôї, горы,
Бідная землиця,
Ни забуду шуга,
Де моя улиця.
Ни забуду вті міста,
Де м ходив малинькый,
Дичку у садочку,
Потӱчок тихинькый.
Ни забуду, як до діда,
Йшôв им давно спати,
Из ним бульку испичи,
Ягодкы збирати.
Ни забуду, як ня баба,
До школы водила,
Убира ла ня малого,
Й ташку ми носила.
И тямити усе буду,
Що мама співала,
Коли мене у колысці,
Дôвго колысала.
Дуже хôчу по містах,
Рӱднинькых прӱйти ся,
Пане Боже упаси,
Рӱдного зректи ся.