Пахнут ягоды ліскові

Пахнут ягоды ліскōві,
Червенїє ся паллак,
Я на них усе ходив'им,
Коли быв'им йщи дїтвак.

В Медовōму ягӯд доста,
Долиш йди си, та збирай.
Я чикав коли пристигнут,
Вже тоды кӯнчав ся май.

Та пак відрятко у рукы,
В чоботы, бо йщи роса.
Та помалы по кӯсниця,
Яка была там краса!

Путиками сюды-туды,
Й назбирав си пару жминь.
Дащо в відря, дащо істи,
Сяк тоды изходив динь.

А пак дома їх у таріл
З цукром си перимішав.
Дуже смачно тай хосенно,
Вітамінӯв доста'м мав!