Петра

Світла днина - лїтньый праздник,
Сято Петра и Павла.
По мированю пак чилядь
Збере ся пиля стола.

Выд Ивандиля до Петрӯв
Ги поклав бы нагле мӯст.
Вже минули ся петрӯвкы,
Кӯнчив ся из ними пӯст.

Дōвгі дны, а курті ночи,
Рōбӯт - хōть ся вбараняй.
А на Петра припочинь си,
Й привітаня заганяй.

Якраз в лїта пōвно моци,
Всьо достигат и росте.
Та най нашōй Пōдкарпатя
З чилядьов си рōзцвіте.

А Петрови тай Палкови,
Зычиме ушиткых благ.
Благодати и здōрōвля,
Живот без хворот и враг.