Пудплешувська босорканя

Молода живка Поланя,
В білу днину лишинь спит,
Пудплешувська босорканя,
Нич ся такой не бойит,

Я ї в днину ще не видів,
Динь про ниї вже не динь,
Што м таке у нюй углидів?
Кажу си про себе згинь.

Куй ся куплеш в ґалабани,
В чистуй бони гі слыза,
Місяць у тя на ладони,
Блискат у мруях вода.

Ты у чум тя породили,
Интерс у тобі м взрів,
Пак ня кугуты збудили,
Так што з страху м унь упрів.

Пудплешувська босорканько,
Што фурт чиниш ізо мнов,
Цілу нучку аж до раня,
П'єш из серця мого кров.