Росы

Ро́сы по тра́вах, ги бы наривав їх,
Забряща́ло сонце - такі, ги звїздочкы́.
По тра́вах, ги жоны стоят на базарі,
Ушиткі єднакі, видав, родичкы́.

Ро́сы студинї, ги бы леду насы́пав,
Дыхнули изра́на свойив фрішнотōв,
Туйкы ся прӯйду, ги по́током брōжу,
Ногы вже мōкрі и всьо, будь здōро́в.

Ро́сы по пōлю, сада́х и по хащи,
Де зилїнь, живоє, усяды вни є.
Прӯйду ся нагле, хōть ногы намōчу,
Най на палла́ґ роса́ ся уллє.