Сливы

Сливы вродили, нїврōку,
Сього рōку доста.
Найдеме си туй талант,
Робота ни проста.

Пōпудпиранї в садōчку,
Бо стōвпы поламлют.
Слив рясных ся держит много,
Рӯскы 'д земли тягнут.

Вже достигли и запахли
На всю середину.
Вбы плоды выд нас пропали,
Ни вижу причину.

Фурт вни будут у хōду
В простого руснака.
Каждый чинит, што си хоче,
Кобы была дяка.

Добрый буде з них узвар,
Лекварь мож чинити.
Сливовицю си мӯцну
Може ткōсь зварити.

Най всьо буде на хосен!
В здōрōвлю хōснуйме.
Сяк помалы, люди дōбрі,
'Д зимі ся паруйме.