- Автор Митер Ерделі
- Рук 2020
Спӯванка за екологію
Вшитко зачинать, ги кажуть, з малого,
Каждому видить ся - вто ни про нього:
Тягне ся потӯк из горба вдолину,
"Ґазды" з ні рінь собі возять машинов,
Свинча здыхлоє помалы плыве,
Потӯк баксами навхтема блює.
Дале вто в рікы ушитко стікало,
Море смітьом ся тоже зас*ало.
Збирать ся вшитко у океаны,
Дале никуды, там ся и впстане.
Дись у малому карпатськӯм селови
Сіли на лавицю двоє кумове:
Першый говорить: ци чули сьте, куме,
В світі ся пудняла температура?
Кажуть, ош годно нас туй затопити!
Ко знає, што нам типиркы робити?
Другый говорить: низнаву, низнаву,
Зашто нам Бӯг послав таку кару...
Добре. Іду, доказкуєме потӯм,
Треба смітя ищи увезти в потӯк.