Запах свіжоскошеной травы

Запах свіжоскошенōй травы
Далеко гулят так, ги пōвітруля.
Розносит вітер пōльом го кругом,
Де кōрчі буль, а по крайках пасуля.

Трава росте по пōлю, по сотинах,
Де, пōмню добре, садило ся давно.
Типирь туй чічка, травы й комыниця,
Трава росте, юй де рости єдно.

Коли приходит час ї гет скосити,
Та нараз в нӯс в тя вдарит аромат.
Трава так пахне, из рōсōв, и свіжа,
Лягла ид земли - добрый результат.

Трава вже дома, рыче худобина,
Трава худōбі, ги чиляди шашлик.
Трава кōрōві, ги наші ліпші стравы,
Трава выд сїна має ліпшый лик.