Гатіжак

Не забудь узяти ташку,
Заклич свою цімборашку,
Выйди наскоро на двур,
Никай, стойиш межи гур!
На плечох маєш гатіжак,
Має ся тяжко неборак,
Гатіжака котрый не має.
Фурт, навхтема ми тот лає,
Ож нїґде покласти му хлїб,
Ож рукам тяжко, онь изблїд!
Треба брати не лиш в рукы,
В руках всьо нести - тото мукы!
Треба брати гатіжак,
Знає каждый исе дїтвак!

В ташку мож покласти повно,
Стане ся там слон, бізовно!
Помуч каждому несе,
В гатіжак покладь сесе,
Там тото щи ни забудь.
Вшытко зклав? Рушайме в путь!