Мигаль Лыжечко (Мигаль Кушницькый) ся родив у селови Кушниця у рокови 1991. Уд самого дїтвацтва ся інтересовав умілством, науками, быв інтересным хлопаком. Майлюбив малёваня тай фіґлёваня. По кунченёви школы втупив в Ужгородськый Націоналный Універзітет, де штудовав компютерну інженерію, котра му ай стала хлїбом онь до днись.
Паралелно из тым ся інтересовав гумором, бавив КВН, путёвав
Украинов. Як нецїлых два рокы пак жыв у Празї, читаво забановав за руднов бисїдов, та пак ся зачав пробовати навчити писати, тай популарізовати рудный язык. Улляло ся тото пак ай у поезію, прозу, шелиякі фіґлї, тай серіозні публікації. У рокови 2020
заклав відеоблоґ за русинськый язык, у рокови 2021 заклав блоґ за технолоґії а інтернет - Інтерфийса.
