Ode to колядка

Зима прийшла, тай місяць Януар
Порядно так похолодало
Ідеш по улици, из рота валит пар
Тому ся радуву ни мало
Уже ладят ся дїточкы
Парадят си батлегемы
Палицї, шапкы тай дзвоникы
И силянка ми штімовала вта навхтема
Не уповів бы-м, так, кедь чесно
Ож дуже файно знаю я співати
Айбо на коляды было вто чудесно
Такое в жывотї не хотїв бы-м забывати
А пак ся пробудиш уд сна, пóникаш идгорї
Теперька ты на чужинї, далековато з домув
Колядкы забываш, помниш може пят
Тай батлегем тот свуй, не увидиш вже упят.