Мудрости

Кавиль люблю я солодкый
Чайчик люблю май гурькый
Видит ми ся, ож з роками
Стаю я мало май мняткый
Уже не сердит ня погода
Не всяка друбна суитá
Не пилуву булше на автобус
Не встигну? Е, та не біда
Не встигну раз, та встигну другый
Намочит ногы ми роса
Ци може стану я май мудрый?
Ци просто пукне голова?
Най бігают круг мене дїти
Я їм ся радо лиш засмію
Будут много вни хотїти
Казати будут "што здриш, дїду?"
А я лиш здрю туй, позираю
Тай радо їх я обнимаю
Бо прийде скоро їхньый час
В росї змочити ногы раз
Я радо лишу сисю зимлю
Передам йим всї ключі
Най замкнут двирї як гет пуйду
Як стратит ми ся слїд вночи