Поліцішта

Незагашеный ціґаретлик,
Вер на зимлю сись лиґінь,
На лайбикови стрымит цетлик,
На коцку криву паде тїнь.

Вун сокотит туй порядок,
Містный наш йсе міліцішта,
Ци не вкрали чічку з грядок,
Ци не воює уйко Пішта.

Тяжка робота в чоловіка,
Вун глипат оком туй тай там,
Видко потяжкый для свого віка,
Не добіжит ид бітанґам.

Но ткось пак мусит йсе тягнути,
На ремінь прикапчаный левор,
Ткось мусит упившый храпіти,
У клубі на ушыток калидор.